2025 жылғы 24 қыркүйекте КГУ «Дарынды балаларға арналған №8 мектеп-лицейі» базасында «Педагогтерді аттестаттау: тәжірибе, мәселелер және оларды шешу жолдары» тақырыбында облыстық семинар өтті. Семинар Павлодар облыстық білім басқармасымен бірлесіп, «Қазақстандық салалық білім және ғылым қызметкерлерінің кәсіптік одағы» қоғамдық бірлестігінің Павлодар облыстық ұйымының бастамасымен ұйымдастырылды.
Семинар аясында оқу ісі жөніндегі орынбасар Күлжанова Қ.Д. «Педагогтерді аттестаттауға дайындау жүйесі: тәжірибе мен практика» тақырыбында мектептің жұмыс тәжірибесімен бөлісті. Өз сөзінде спикер білім беру ұйымындағы педагогтерді жүйелі дайындаудың кезеңдері мен тәсілдерін, аттестаттау үдерісінің барлық кезеңінде сүйемелдеу мен әдістемелік көмек көрсету механизмдерін, мектеп тәжірибесінен алынған практикалық кейстерді, педагогтер кездесетін өзекті қиындықтар мен оларды еңсеру жолдарын қамтыды.
Семинар педагогтерді аттестаттау мәселелері бойынша кәсіби пікір алмасу мен тәжірибе бөлісудің алаңына айналды. Іс-шара қатысушылары ұйымдастыру деңгейінің жоғары екенін, баяндамалардың мазмұндылығын және көтерілген тақырыптардың педагогикалық қызметтің сапасын арттырудағы маңыздылығын атап өтті.

@aigerim_erkenovna @bilim_basqarmasy @rspc_daryn