Кездесуге №8 лицей-мектебінің 13 оқушысы қатысты:
Лицей оқушылары беделді халықаралық және республикалық олимпиадаларда алтын, күміс және қола медальдар жеңіп алып, Павлодар облысының жетістіктер қоржынына қомақты үлес қосты. Олардың қатарында: қыздарға арналған Еуропалық математикалық олимпиадасы (EGMO), Халықаралық жасөспірімдер жаратылыстану-ғылыми олимпиадасы (IJSO), математика және физика пәндері бойынша халықаралық Жәутіков олимпиадасы, «Жібек жолы» және Азия-Тынықмұхит халықаралық математикалық олимпиадалары, Қ. Сәтбаев атындағы халықаралық химия олимпиадасы, сондай-ақ математика, физика, химия, география, қазақ және ағылшын тілдері бойынша республикалық олимпиадалар.
Кездесу барысында қатысушыларға жоғары жетістіктері мен өңірдің зияткерлік әлеуетін дамытуға қосқан үлесі үшін алғыс хаттар мен ақшалай сыйақы сертификаттары табысталды.
Лицейіміздің оқушыларын шын жүректен құттықтаймыз! Оларға жаңа жеңістер, жарқын жетістіктер және алдағы уақытта толағай табыстар тілейміз! 🎉👏
