Аталған іс-шара оқушылардың бойында патриоттық сезімді қалыптастыруға, Отан қорғаушыларға деген құрметті арттыруға және жауапкершілікке тәрбиелеуге бағытталды. Қатысушылар өздерінің дене дайындығын, төзімділігін, тәртіптілігін және командалық бірлігін көрсетті. Бағдарлама аясында саптық дайындық, спорттық эстафеталар, сондай-ақ ептілік пен жылдамдықты талап ететін түрлі тапсырмалар ұйымдастырылды.
Оқушылар жарысқа ерекше қызығушылықпен қатысып, жеңіске деген жігері мен күш-жігерін танытты. Мұндай іс-шаралар жас ұрпақтың бойында отансүйгіштік қасиеттерді қалыптастырып, салауатты өмір салтын насихаттауға және көшбасшылық қабілеттерін дамытуға ықпал етеді.
