Қазақстан Республикасындағы Ғылым күні қарсаңында №8 лицейдің 6-сынып оқушысы Марк Трынов Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы ұйымдастырған инновациялық технологиялар көрмесінде өз ұшақ макетін таныстырды.
Көрме 2026 жылғы 10 сәуірде сағат 14.00-де М. Катаев атындағы Оқушылар сарайында өтті. Мұндай маңызды іс-шараға қатысу — жас зерттеушінің жоғары дайындық деңгейін, техникалық ойлауын, инженерлік шығармашылыққа қызығушылығын және өз идеясын өңірлік маңызды алаңда таныстыра алу қабілетін айқындайтын үлкен мәртебе.
Марк Трыновтың республикалық және облыстық ғылыми жобалар байқауларының жүлдегері екені ерекше мақтаныш сезімін тудырады. Оның инновациялық технологиялар көрмесіне қатысуы №8 лицейде тек армандап қана қоймай, өз идеяларын нақты инженерлік модельдерге айналдыра алатын оқушылардың өсіп келе жатқанын тағы бір мәрте дәлелдейді.
Ғылым күні қарсаңында мұндай жетістіктердің мәні ерекше. Олар біздің лицей оқушылары үшін ғылымның — ізденіс, құрастыру және жасампаздық жолы екенін көрсетеді.
Маркты беделді көрмеге қатысуымен құттықтап, оған жаңа техникалық идеялар, жарқын жобалар және үлкен жеңістер тілейміз!
