Кәсіптік бағдар беру – қоғам сұранысына қарай әрбір оқушының қабілеті мен бейімділігін ескере отырып, мамандыққа деген қызығушылықты дамытуға және болашақ мамандығын саналы түрде таңдауға ықпал ететін мақсатты жұмыс. Осы мақсатқа жету үшін 2025 жылдың 3 акпан айында Павлодар облысы білім басқармасының «Дарынды балаларға арналған № 8 лицей-мектебі» КММ-де орыс тілінде оқытатын 9-сынып оқушыларына кәсіптік бағдар сағаты өткізілді. Спикерлер «Павлодар жоғары басқару колледжі» мен «Ақпараттық технологиялар колледжінің» өкілдері болды.
Оқушыларды өздігінен, саналы түрде мамандық таңдауға дайындау әрбір жеке тұлғаның үйлесімді дамуының маңызды бөлігі болып табылады және оқу-тәрбие процесімен тығыз байланысты. Сондықтан мектептегі кәсіптік бағдар беру жұмыстары мектеп оқушыларының дамуындағы маңызды құрамдастардың бірі болып табылады.