2024 жылдың 23 қаңтарында Жастар бастамаларын дамыту орталығында «Robotek Grand Tournament» чемпионаты өтті.
Шараны ұйымдастырушы - Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы.
Шараның мақсаты - робототехника, инженерлік ғылымдар және бағдарламалау саласындағы дарынды оқушыларды анықтау және қолдау. Жастар арасында техникалық мамандықтарды танымал ету.
Чемпионатқа 44 команда қатысты (құрамында 85 оқушы бар). «Robotek Grand Tournament» чемпионаты 7 санат бойынша өткізілді.
Чемпионаттың қорытындысы бойынша «Робот сұрыптаушы» санаты бойынша облыстық білім басқармасының ІІІ дәрежелі дипломымен Дарынды балаларға арналған № 8 лицей-мектебінің «Фиксики» командасы марапатталды.Даниил Савоникті (7 А сынып), Марсель Богатырёвті (6 Б сынып) және команда жетекшісі, информатика пәнінің мұғалімі Татьяна Фёдоровна Медведеваны жеңістерімен құттықтаймыз!