Естай атындағы Мәдениет сарайында республикалық оқушылар олимпиадасының облыстық кезеңінің жеңімпаздары мен жүлдегерлерін марапаттау рәсімі өтті.
Олимпиада қорытындысы бойынша Павлодар облысы білім басқармасының "Дарынды балаларға арналған №8 лицей-мектебі" КММ командасы жаратылыстану-математикалық бағыт бойынша үздік команда болып танылды.
47 лицей оқушылары облыстық олимпиаданың жеңімпаздары мен жүлдегерлері атанды.
Жеңімпаздар 11 оқушы, 20 оқушы II дәрежелі дипломдармен, 16 оқушы III дәрежелі дипломдармен марапатталды.
11 сынып оқушысы Паршаков Арсений Ә. Марғұлан атындағы Павлодар педагогикалық университетінің білім беру грантының иегері атанды.
Неміс тілі бойынша олимпиада жүлдегері (2 орын), 6 сынып оқушысы Шиковский Данил Олимпиаданың ең жас қатысушысы болып танылды.